CELEBRACIÓN DO SAMAÍN

O NOSO SAMAÍN

 Na última semana de outubro toda a Comunidade Educativa estivo a traballar a reo para despedir o mes coa súa festa grande, a celebración do Samaín.

E para relacionar esta celebración coa Liña temática deste curso "Mendelianos ao rescate", primeiro vimos a película "Wall-e" co fin de tomar conciencia dalgúns dos obxectivos que se pretenden acadar:

• Coñecer o estado do planeta e os retos ecolóxicos aos que facer fronte.
• Aprender a valorar a importancia de amar, respectar e coidar a natureza como patrimonio de todos.
• Valorar e utilizar a reciclaxe como unha forma de respecto e coidado do noso planeta.
• Desenvolver actividades de solidariedade, respecto polo medio ambiente, hábitos saudables..
• Valorar a importancia das plantas para o desenvolvemento da vida no noso planeta.
• Utilizar as películas como recursos motivadores para tratar os temas que interesen.
• Desenvolver a atención

Así a decoración do centro, ademais dos elementos típicos desta festa, como son as pantasmas, morcegos e bruxas..., as familias crearon casas terroríficas con elementos de refugallo, o alumnado realizou murais e decorado de portas e corredores recreando a cidade ateigada de lixo da que os humanos do futuro tiveron que fuxir.

Tamén contamos coa visita de Anxo Moure, que lle ofreceu á rapazada do centro, por niveis, a súa sabedoría sobre os celtas e o coidado da natureza con fermosas historias dramatizadas.

Un grupo de nais acudiu ao centro para facer contadas e xogos polas aulas de Infantil e Primaria, así coma un obradoiro de maquillaxes terroríficas.

Durante o recreo o alumnado da ESO participou nun concurso Spooky organizado polas profes de Lingua Inglesa, onde demostraron as súas dotes para a dramatización de terror.

E por último contamos coa visita de seres moi terroríficos que se pasearon polo centro asustando a toda a comunidade.

 Podedes disfrutar do acontecido clicando no seguinte ENLACE

2º PROGRAMA DE RADIO MENDE

Arrincamos a primeira emisión de Radio Mende coa celebración do Samaín.

Podedes escoitalo no seguinte ENLACE